Sarmizegetusa

Sarmizegetusa
Die heiligdom van Sarmizegetusa
Koördinate	45°37′19″N 23°18′34″O / 45.62194°N 23.30944°O / 45.62194; 23.30944
Plaaslike naam	Sarmisegetusa, Sarmizegethusa, Sarmisegethusa, Sarmisegethuza, Sarmageze, Sarmategte, Sermizegetusa, Zarmizegethusa, Zarmizegethousa, Zarmizegetusa, Zermizegethouse
Land	Roemenië
Soort	Argeologiese terrein
Streek	Suidoos-Europa
Oppervlakte	190 ha (470 akker)
Geskiedenis
Kulture	Daciërs

Sarmizegetusa (vandag: Grădiştea de Munte) was die hoofstad en die militêre, religieuse en politieke sentrum van Dacië.

Die fort en sy tempel is op 'n berg van 1200 m hoogte in die Orăştie-gebergte van die huidige Roemenië geleë.

Die Daciese stad word Sarmizegetusa Regia genoem en dit was die hoofstad in die eerste eeue voor en ná Christus. Later, in 106 toe Dacië 'n Romeinse provinsie geword het, is 40 km verder die stad Sarmizegetusa Ulpia Trajana gestig wat die hoofstad van die Romeinse provinsie geword het.

Sarmizegetusa Regia is 'n viersydige fort van 30 000 m² wat op vyf terrasse geleë is. Sy mure is gebou met die murus dacicus-tegniek wat reghoekige stene sonder messelbry in die voeë gebruik het. In die heiligdom is die god Zalmoxis vereer wat dalk 'n oorlogsgod was. Die stad was die tuiste van die Daciese konings waarvan Boerebista (82–44 v.C.) die magtigste was. Die huise het pype van keramiek besit wat as waterleiding gedien het. Opgrawings het spirale van goud opgelewer wat as armbande, betaalmiddel en offers aan die gode gedien het. Uit Romeinse bronne is bekend dat hulle ná die verowering 'n skat van 165 500 kg goud en 331 000 kg silwer gevind het wat in 'n rivier begrawe was.^[1]

1. ↑ culture trip